معلمنا طلع كذاب

تعالي ندفن جروح الزمن والخل والأصحاب
.......................... تعالي نضرب الواقع ببسمه منك ورديه
تعالي نطرد هموم الجروح ونقفل الأبواب
..........................تعالي نعالج حروق الخفوق ونبري الكيه
تعالي يابساتين الأمل شوفي وش الأسباب
............................ تعالي علميني وش بلا هالحال مبليه
تعبت اعالج الجرح الأليم وللأسف ما طاب
.......................تعبت آآجبر كسوري واشوف الحال مطويه
وفيت ولا لقيت الا جروح وغربله واتعاب
...........................صدقت ولا لقيت الا كذب وقلوب وهميه
ياقلبي ليه ما تفهم وخاطر خاطرك قد طاب
........................ ياقلبي لامتى تسمح واشوف الناس انانيه
قهر ياوقتي اللي راح..ندم ياحبي اللعاب
...........................وجع ياجرحي الدامي..سهر ياعين ليليه
الا ياوين نبضك لانبض تتنفس الأعشاب
........................ وقف نبضك ومات العشب يالروح الشقاويه
أنا آسف يادرس الحب معلمنا طلع كذاب
............................طلع خاين طلع فاشل كشفته سيئ النيه
ياقلبي غصب عن عينك مدام الظن فيهم خاب
........................ تبي ترحل غصب عنك وتطويهم مية طيه
تعالي..لا..روحي واتركيني واقفلي الأبواب
............................ يادنيا مالنا غير الفراق بيبري الكيه