خلطة او حشوة دجاج تنفع للفطاير و السندويتشات و غيره ((بالصور))

كيف حالكم خواتي بنات بيت حواء والله وحشتوني من زماااان ما كتب مواضيع في بيت حواء....
على كل حال انا رجعت لكم و جايبه لكم خلطة دجاج إن شاء الله تعجبكم و إذا استفدتو من موضوعي ما ابغي منكم غير تدعو لي ان الله يفرج همي...قولو آمين

بسم الله الرحمن الرحيم

ما شاء الله لا قوة إلا بالله

طريقة حشوة الدجاج بالكاري

المقادير:

نصف كيلو صدور دجاج

بصلة كبيرة مفرومه خشن

نصف باقة كزبرة مفرومة او بقدونس (( ممكن الاستغناء عنهم بس يعطي نكهه ))

2 كوب خضار مشكلة

2 مكعب ماجي

2 ملعقة شاي مملوئه كاري

نصف ملعقة شاي ملح (( او حسب ما تحبون انتو ))

فلفل اسود مطحون

الطريقة:

(( ملاحظة انا استخدمت جهاز مفرمة الطعام مو اللحم ......بس طبعاً تقدرون تسون بيدكم ))

نفرم البصل خشن....ثم البقدونس و نتركهم على جنب....

نسلق الخضار المشكلة مع مكعب ماجي 10 دقايق

نطبخ صدور الدجاج في الماء و نضيف لها الفلفل الاسود و القرفة ....او البهارات اللي تشيل زفرت الدجاج

في هذا الاثناء نحمر البصل في الزيت

و لما تستوي صدور
نطلع الصدور و نحطها في الفرامه و نضيف لها ملعقة كاري و نفرم خشن.....ما نخليها عجين....

بعدين نضيفها على البصل اللي كنا قلينها .....و نضيف لها الكزبرة و مكعب ماجي مذوب في ربع كوب ماء ((أنا اصب من الماء اللي سلقت فيه الخضار )) ....و نضيف الخضار المشكلة ...و ملعقة كاري (( لو تلاحظون انا حاطه 2 ملعقة لإن احب نكهة الكاري تكون طالعه ))...و طبعاً الملح و الفلفل الأسود.....

و نقلب هذا كله مع بعض و نسكر عليهم و نتركهم على نار هاديه 10 دقايق او إلى ان ينشف الماء عنها....

و لما تبرد الحشوة تقدري تحشي فيها التالي:

المعجنات
الباف باستري
للمعكرونة ...معكرونيا الباشميل او الاسبجاتي
خبز التورتيلا او الخبز اللبناني مع خس و خيار و طماطم و مايونيز

و ما اعرف إذا لها استخدمات زيادة......هاي الحشوة من نفسي مخترعتنها إلى ان وصلت لهنتيجة

و هاي بالفطائر ما شاء الله لا قوة إلا بالله

و هاي بالبف باستري

ملاحظة: تقدري تجهزي الحشوة قبل بيوم و تحفظيها في الثلاجه و اليوم الثاني تسوي فيها اللي تبغينه....

و لا تنسونا من صالح دعائكـــم خلطة او حشوة دجاج تنفع للفطاير و السندويتشات و غيره ((بالصور)) 275_1194179831

خلطة او حشوة دجاج تنفع للفطاير و السندويتشات و غيره ((بالصور)) 275_1194179831

رووووووعة
يسلمووووووووو