قصيده غزل في لميس00

عدد المساهمات : 89 تاريخ التسجيل : 12/05/2009

العذر منّا يابن سينا وصّلـه لابـن النّفيـس
حنّـا تغيّرنـا وغيّـرنـا بَـعـد ملبوسـنـا
من عقب ماكنّا ندوّر صافـي الـدر النفيـس
ونارد على عدّ الـروى وسراجنـا فانوسنـا
اليوم صارت شاشة التلفاز هي نِعْم الجليـس
نجلس لهـا ماهمّنـا مهمـا يطـول جلوسنـا
ومنها تعلّمنا نقلّـد موضـة الغـرب البئيـس
وصرنا نطقّس بالطقوس اللي مهي بطقوسنـا
وضاعت قيَمْنا واعتلا في سوقنا سعر البخيس
لو كان ماهي في مناهجنا وضمـن دروسنـا
واكبر دليل انَا عرب وِمْن الخميس ليا الخميس
مع بث شاشات الفضا قمنـا ندربـي روسنـا
عميان في طرد الهوى ونْتابع مسلسل لميـس
تركيّـةٍ لفتـة هَدَبْهـا أثّــرت بِنْفوسـنـا
تحكي عنِ سْنين الضياع وتندب الحظ التعيس
وقمنا نقطّع روس اصابعنـا بشفـرة موسنـا
مدري متى نصحى من الغفلات والحلم الكبيس
اللي رياحـه بعثرتنـا واعْصفـت بغْروسنـا
لكن على الله تَنْصَلِح ونْعُـود للـدر النفيـس
ونْعيـد مجـدٍ لاتذكّرْنـاه نـرفـع روسـنـا

عدد المساهمات : 148 تاريخ التسجيل : 25/04/2009

صح لسانك وعلا شانك

?? ??????? قصيده غزل في لميس00 Shaar

» *قصيده في بنات السعوديه*
» قصيده عن غلآء البيبسي =)
» قصيده هنديه اقرا وهز راسك هههههههههههه لاتفوتكم